web_01.jpg
 

點解要跑?!

跑步其實好悶,幾k10k全馬以至超馬,由頭到尾都係嗰組動作,枯燥... 香港天氣其實唔啱跑步囉,春天黐𥹉𥹉、夏天熱辣辣、冬天凍冰冰。咁秋天跑囉,但香港有幾多日可以叫做秋天 ?!

攰囉忙囉熱囉凍囉辛苦囉........ 唔跑嘅理由多到幾架貨櫃車先裝得晒。別廢勁勸唔願跑步嘅「跑吓啦 !,你輸硬的 !

至於跑步嘅人大抵有兩類 ~為減肥為減壓為健康醫生叫你無論如何要郁吓;另一類,唔知咩事唔知由幾時開始唔知痴咗邊條根,安多酚與精力多到瀉,24/7 都未用晒。但試吓問佢哋跑步有咩好玩 ? 10個有8個答唔出 (有兩個仲諗緊),因為根本唔好玩......

跑步有益身心健康正能量呢啲娘嘢8歲到80歲都識講,但就係又悶又唔好玩,算把啦 ! 我哋都怕悶,所以跑步只係伴碟。為本來唔好玩嘅嘢發掘更多可能性而變得好玩先係主菜。

 

不求速度不求強度不求長度,無打算叫您嚟跑吓步,只係想約您一齊玩!
Why so serious ? WHY NOT RUN ?!