跑步其實好悶，幾k10k全馬以至超馬，由頭到尾都係嗰組動作，枯燥... 香港天氣其實唔啱跑步囉，春天黐𥹉𥹉、夏天熱辣辣、冬天凍冰冰。咁秋天跑囉，但香港有幾多日可以叫做秋天 ?!

攰囉忙囉熱囉凍囉辛苦囉........ 唔跑嘅理由多到幾架貨櫃車先裝得晒。別廢勁勸唔願跑步嘅人「跑吓啦 !」，你輸硬的 !

至於跑步嘅人大抵有兩類 ~為減肥為減壓為健康醫生叫你無論如何要郁吓；另一類，唔知咩事唔知由幾時開始唔知痴咗邊條根，安多酚與精力多到瀉，24/7 都未用晒。但試吓問佢哋跑步有咩好玩 ? 10個有8個答唔出 (有兩個仲諗緊)，因為根本唔好玩......

跑步有益身心健康正能量呢啲娘嘢8歲到80歲都識講，但就係又悶又唔好玩，算把啦 ! 我哋都怕悶，所以跑步只係伴碟。為本來唔好玩嘅嘢發掘更多可能性而變得好玩先係主菜。