呢幾年我哋背負壓力太大，您幾耐無同成班 friend 開懷咁笑過 ?

好多人話跑步可以減壓，但唔少跑友為怕染疫仍戴住口罩跑步；一班人街跑仍隨時犯法；大型實體賽仍一直像霧又像花連跑個步都要瞻前顧後，點減壓 ? 點開懷 ? 跑步，有人苦練 tempo、interval，戒口戒酒戒夜瞓，有人一個禮拜百幾二百K起標。我哋簡單啲，只想跑吓步食吓嘢飲吓嘢吹吓水然後開開心心回家做睡寶寶。

Kolor x Why Not Run?! -「飲跑食醉」

以每週跑步里數換取 ‘ohm’ Cafe and Bar 之飲食優惠，飲幾多食幾多睇您跑幾多。更有機參與每週之定番團跑活動「Happy Friday Run」虛實兼備 ! 跑係伴碟，事後於 ohm 嘅跑友吹水大會兼飲飲食食先係主菜 !

以前呢度，夜夜笙歌，紫醉金迷
而家呢度，夜夜失眠，灰過灰燼

與其飲飽食醉，何不「飲跑食醉」?!

活動日期

2022年9月12日(星期一)至 2022年10月9日(星期日)

● 活動為期4週

第一週 : 9月12日凌晨0時到 9月18日晚上11時59分

第二週 : 9月19日凌晨0時到 9月25日晚上11時59分

第三週 : 9月26日凌晨0時到 10月2日晚上11時59分

第四週 : 10月3日凌晨0時到 10月9日晚上11時59分

玩法

●參加者需於指定時間內達到指定累積跑步里數(路跑或山跑都可以，但唔好意思，跑步機紀錄就唔接受)，

以換取餐廳 'Ohm' Cafe and Bar 嘅飲食或消費折扣優惠。

●每週均設里數龍虎榜，第一位可獲豐富禮品

●4週後設總里數龍虎榜，第一位可獲豐富禮品

報名費: HK$380 (每位)

登記Strava

參加者須登記為Strava 用戶 (免費帳戶就可以)，及必須用Strava Mobile App紀錄里數。參加者同時要喺「設定」中揀選將紀錄「與所有人分享」，方便大會檢查紀錄。參加者亦須要按確認電郵上嘅指示，加入「飲跑食醉」Strava Club，完成以上程序嘅參加者先可以換領活動優惠。

玩法

飲食優惠

免費飲品、小食或消費折扣優惠

●每週只可換領一次優惠

●每次只可換領一個級別嘅優惠

●優惠級別 :

新手級: 喺同一週內累積里數達25km，就送您指定啤酒或非酒精飲品一杯
凡人級: 喺同一週內累積里數達35km，就送您指定啤酒或非酒精飲品兩杯
達人級: 喺同一週內累積里數達85km，就送您指定啤酒或非酒精飲品兩杯，同埋指定小食一份
神級: 喺同一週內內累積里數達86km或以上，就送您指定啤酒或非酒精飲品三杯，同埋同單消費全單8折

●優惠可堂食或外賣，如堂食，請先致電 9665 5259 訂座

換領優惠

●參加者於每週所累積之里數優惠，只可於下週內換取

(即第一週之里數優惠，要喺第二週內換取，逾期無效)

●親身到 Ohm 出示相關 Strava 紀錄 (可一個或多個紀錄)

●換領優惠之參加者需戴上「飲跑食醉」活動手帶 (即係跑手包裡面嘅手帶)。

●經 Ohm 員工確認之後，參加者就可換領以上嘅飲食或消費折扣優優惠。

紀念品

獎品

成箱飲品及零食送俾您

每週累積里數最多嗰位參加者將獲贈指定啤酒或非酒精飲品及零食各一箱 (大會將根據「飲跑食醉」Strava Club 上的紀錄核對成績，並於下週內的「飲跑食醉」facebook 及 IG 公布結果)。
每週累積里數最多嘅首3名參加者將獲贈Kolor親筆簽名唱片1張

「Happy Friday Run」團跑 + 跑步交流會

每週累積里數頭三位，及隨機抽出之10名參加者(共13人)，將獲邀出席下週五嘅「飲跑食醉」街跑活動 - 「Happy Friday Run」及當晚喺 Ohm 嘅跑友吹水會。
每次「Happy Friday Run」嘅路線都唔同，兼唔會事前公佈路線
每次「Happy Friday Run」均邀請跑界KOL參與
每位獲邀出席「Happy Friday Run」嘅參加者均獲贈 Kolor x Why Not Run?!「頑張」啤酒杯1隻。
吹水會中，每位獲邀出席者可獲指定啤酒或非酒精飲品一罐/杯。
每位獲邀出席者均可帶同一位朋友出席。(飲品及食物需自費)

總里數排行榜

4週完結後將有總里數排行榜
總里數排行榜冠軍將獲贈指定啤酒或非酒精飲品及零食各10箱 (免運費) (大會將根據「飲跑食醉」Strava Club 上的紀錄核對成績，並於「飲跑食醉」facebook 及 IG 公布結果)。
總里數排行榜冠亞季軍將獲邀出席 Kolor 活動
總里數排行榜首5名參加者將獲贈 Solestar 鞋墊 1對。